பாடலாசிரியர் மு.மேத்தா அவர்களின் பாடலோடு இன்றைய கூட்டுக் குரல் போட்டி.
ரஜினிகாந்த் நடித்த ஒரு பிரபல படத்தில் வரும் பாடலின் ஆரம்ப அடிகளைத் தலைப்பாகக் கொண்ட படத்தின் பாடல்.
கலக்கலான துள்ளிசைப்பாடல், பாடகி சுஜாதாவோடு பாடும் ஆண் குரல் தொண்ணூறுகளில் தொடங்கி துள்ளிசைக் குரலாகத் தமிழ்த் திரையிசையில் கலக்கியவர்.
சிட்டு பறக்குது- நிலவே முகம் காட்டு
அநீதிக்கு எதிரான ஒரு பாடலோடு இன்றைய கோரஸ் புதிர்.
கிரீடம் போல ஒரு தலைப்பு, புரட்சித் தமிழனைப் புரட்டி எடுத்த படம். ஆனால் அட்டகாசமான பாடல்கள் நிறைந்தது.
இந்தப் பாடல் அதிகம் பரவலான அறிமுகமில்லாத சிறப்பான பாடல்.
குடம் குடமா க்ளூ இருக்கேப்பா.
வங்கக்கடல் பொங்கி எழ வந்ததொரு பூகம்பம் – மகுடம்
இந்தப் பாட்டின் சிறப்பைச் சொல்ல வேண்டுமென்றால் கோரஸ் குரல்களுக்கு ஒரு கொண்டாட்டமே நடத்தியது போல இருக்கும்.
பாடலின் முகப்பில் பி.சுசீலா அவர்களின் ஆலாபனையைத் தொடர்ந்து வரும் அந்த மங்கையரின் குரலோசை, இரண்டு சரணத்துக்கு முந்திய பகுதியிலும், பாடல் முடிவிலுமாகத் தொடர்கிறார்கள்.
இந்தப் பாடலில் கொடுத்திருக்கும் வாத்தியக் கூட்டே போதும் ஆனாலும் கோரஸ் குரல்களை வைத்து ஒரு இளமைக் கொண்டாட்டம் கொடுக்க வேண்டும் என்று ராஜா நினைத்திருப்பார் போல.
கூடப் பாடும் ஆண் குரல் ஜேசுதாஸ் உடையது. பாடல் வரிகள் வைரமுத்து.
பாட வந்ததோர் கானம் – இளமை காலங்கள்
மனோ & சித்ரா ஜோடிக் குரல்களோடு அணி செய்யும் கோரஸ் கூட்டணி பாட்டின் துள்ளிசைக்கேற்ப ஆர்ப்பரிக்கிறார்கள்.
கங்கை அமரன் இயக்கிய படத்தில் அவரே இப்பாடலையும் எழுதியிருக்கின்றார்.
எம்.ஜி.ஆர் வெறியர் நடித்ததால் பழைய பாடலொன்றின் காட்சியமைப்பினை நினைவுபடுத்துமாற் போல அமையும் பாட்டு.
மாலை நிலவே மன்மதன் கண்படும் அழகே – பொண்ணுக்கேத்த புருஷன்
இன்று அதிரடி துள்ளிசையில் ஒரு பாட்டு.
தொண்ணூறுகளில் துள்ளிசைப் பாடகியாக அறிமுகமான வால்பாறைப் பாடகியோடு
கோரஸ் குரல்களும் அதகளம் பண்ணும் பாட்டு இது.
இங்கே பகிர்ந்த பாடல் இசையில் பாடகி பாடும் பகுதியை நீக்கி,கோரஸ்குரல்களை மட்டும் கொடுத்திருக்கிறேன்.
ஏதாவது நல்ல காரியம் நடந்தால் படத்தின் தலைப்பில் இருக்குமாற்போல நாலு பேர் விசாரிப்பாங்க.
இந்த பஸ்ஸு தான் PTC – வீட்ல விசேஷங்க
