இன்று இடம்பெறும் பாடல் மிகவும் ஆக்ரோஷமான பாடல், மலேசியா வாசுதேவன், குழுவினர் பாடுகின்றனர்.
இதே படத்தில் தென்றல் மாதிரி வருடும் பாடல் இருக்கும் போது அதற்கு முற்றிலும் மாறுபட்டு உக்கிரமாக வெளிப்படுகிறது இந்தப் பாடல். அதிகம் கவனிக்கப்படவில்லையோ என்ற ஆதங்கமும் எழும் வகையில் படத்தின் சூழலுக்கேற்ப பொருந்திப் போன பாட்டு.
இப்படியானதொரு பாடலுக்கு கோரஸ் குரல்களின் பாவனை எவ்வளவு தூரம் முக்கியமானது என்று பாடமெடுக்கிறார் ராஜா. அவ்வளவு தூரம் ஆரம்பத்தில் இருந்து முடியும் வரை ஆற்றாமையையும், சோகத்தையும் இந்தக் கூட்டுக் குரல்கள் திரட்டிக் கொடுக்கின்றன.
நாயகனே இயக்குநராகவும் தன்னை இயக்கிய படம்.
தொன்று தொட்டு இன்று வரை ஏழை என்னும் ஜென்மத்துக்கு துன்பம் ஐயா – அவதாரம்