Monthly Archives: January 2022

இன்றைய பாடலை மனோ குழுவினர் பாடுகிறார்கள். பிரபு நடித்த சின்ன வரிசைப் படங்களில் ஒன்று என்பதால் க்ளூ அதிகம் தேவை இல்லைத்தானே? அட மாமா நீ பெத்தெடுத்த – சின்ன மாப்ளே

இசைஞானி இளையராஜா தானே எழுதி, குழுவினருடன் பாடிய பாடல் இன்றைய போட்டியில். ஒரு குறும் பாடலுக்குள்ளேயே பாத்திரத்தின் பின்னணியை அழகாகக் காட்டும். இந்தப் பாடல் தாங்கிய பாத்திரப் பெயரில் பின்னாளில் இதே நாயகனின் படமாக வந்தது. ஒரு காலைத் தூக்கி/பள்ளிக்கூடம் போகாமலே/தாஸ் தாஸ் – கடலோரக் கவிதைகள்

கவிஞர் வாலி அவர்களின் வரிகளோடு இன்றைய பாடல். எஸ்.பி.பாலசுப்ரமணியம், எஸ்.ஜானகி & குழுவினர் பாடுகிறார்கள். ஶ்ரீவித்யாவை வில்லத்தனமாக்கிப் பார்த்த படம். மானின் இரு கண்கள் – மாப்பிள்ளை

முருகனுக்குரிய இன்றைய நாளில் அவரின் பெயரோடு அமையும் பாடலின் தொடக்க வரிகளோடு கோரஸ் புதிர். கவிஞர் வாலி அவர்கள் வரிகள். இந்தப் பாடலை ஜெயச்சந்திரனோடும், இளையராஜாவோடும் எஸ்.ஜானகியும் தனித்தனியாக ஜோடி போட்டுப் பாடியிருக்கிறார். வள்ளி வள்ளி என வந்தான் – தெய்வ வாக்கு

நடிகர் கார்த்திக் நடித்த தொண்ணூறுகளின் கீதம் இன்றைய பாடலாக. அருண்மொழி, தேவி & குழுவினர் பாடுகிறார்கள். கோரஸ் குரல்களுக்கு அற்புதமான பாடல் வரிகளும் அமைந்த பாட்டு, கவிஞர் காமகோடியான் அவர்களது கைவண்ணம். வேண்டினா வேண்டும் வரம் – கட்ட பஞ்சாயத்து